Macka's - 五代傳承嘅澳洲黑安格斯牛肉品牌
Macka's 嘅故事
Macka’s 係一家擁有五代傳承嘅澳洲黑安格斯牛肉家族企業，歷史可以追溯到 1884 年。佢哋嘅農場喺 Bucketts 山脈腳下，風景如畫，有靚靚草原同波光粼粼嘅太平洋。Macka’s 專注於從農場到餐桌嘅全企業鏈經營，採用創新同完全集成嘅安格斯牛肉業務模式。
Macka's 嘅使命
Macka’s 牛肉以卓越嘅品質、口感、多汁性同嫩度而聞名。佢哋致力提供高質量同預先份量嘅食品解決方案，將生長喺 Barrington 腹地嘅頂級原始切割安格斯牛肉帶到你嘅餐桌上。Macka’s 堅持「從鼻子到尾巴」嘅信條，致力減少食物浪費，並最大限度發揮動物每個部位嘅潛力。
Macka's 有咩牛肉產品？
Macka’s 堅持「從鼻子到尾巴」嘅信條，提供 15 種牛肉切割方式，最大限度發掘牛肉嘅頂級味道：
Cube Roll & Rib Primal（肉眼心 & 原條肉眼）：
取自牛第 4 至第 13 根肋骨，大部份由肌肉組成，柔軟多汁，適合做烤肉同牛扒。
Oxtail（牛尾）：
取自牛脊底部至最後幾根尾骨，係成隻牛活動最頻密嘅部位，慢燉可以帶嚟濃郁飽滿嘅風味。
Topside（牛臀肉）：
取自牛大腿內側，含豐富嘅結締組織同肌肉，脂肪含量極低，係製作牛扒三文治嘅理想選擇，生食切片亦係熱門嘅食法。
Silverside（牛腱肉）：
取自於牛大腿外側嘅肌肉，由 5 種唔同嘅肌肉組成，以位於切口側邊嘅銀色結締組織命名，煮之前需要切除，以溫和滋潤嘅口感著稱。
Shin（牛腱）：
取自牛嘅前腿或後腿嘅肌肉，脂肪含量少，適合以低溫慢燉嘅烹飪方式令結締組織變軟，肉質鮮嫩，味道濃郁。
Rump（牛臀蓋 / 尾龍蓋）：
夾喺西冷同上腰肉之間，由 5 塊肌肉組成嘅原切肉，每隻牛只有兩塊臀肉㗎咋！用途非常之多，可以分割成一系列唔同質地嘅切割，彰顯唔同嫩度嘅肉質。
Knuckle（牛膝）：
取自牛後腿前部嘅膝關節上方，主要由 3 塊肌肉組成，適合慢煮或切成薄片炒菜。
Striploin（西冷）：
又稱為沙朗，取自後腿脊椎旁邊，由肋骨延伸到臀部。因為係屬於運動量較少嘅肌肉，所以脂肪同結締組織較少，令佢瘦而嫩滑多汁。
Tenderloin & Hanger（牛柳 & 封門柳）：
菲力牛柳（Filet Mignon）就係嚟自呢度，係其中一個最嫩嘅牛肉部位，幾乎無脂肪或結締組織，以其柔軟、細膩嘅味道同嫩滑而受歡迎。
Skirt & Flank（裙帶牛扒 & 側腹牛扒）：
取自牛肋骨下方嘅腹壁內側，由兩塊細長而扁平、油花分佈均勻嘅肌肉組成，味道濃郁，有嚼勁。
Brisket（牛腩）：
取自牛嘅前腿之間嘅胸部下側，係一塊經常運動嘅肌肉，含有豐富嘅結締組織，口感軟嫩。
Short Ribs（牛仔骨 / 牛肋骨）：
係從前胸肋骨區域去除牛腩後嘅切割，先燉再煮可以分解結締組織，確保柔軟、滋潤嘅口感。
Blade（牛肩肉）：
取自牛嘅肩部，味道鮮美，用途廣泛，包含多塊肌肉，脂肪層同結締組織，適合慢燉或烤製。
Chuck（牛肩胛）：
取自牛嘅頸部位置，因其瘦肉同脂肪比例均衡而廣受歡迎。
Cheek（牛臉頰）：
顧名思義就係牛嘅面珠墩，係一塊勤勞、瘦嘅面頰肌肉，含有豐富嘅膠原蛋白，適合滋潤、慢煮嘅方法烹調，口感嫩滑，風味十足。
Macka's 嘅牛肉安唔安全？當然啦！
- 作為澳洲嘅牛肉品牌，Macka's 嘅產品嚴格遵守澳洲食品安全標準同檢疫法例，從原料、加工、儲存到運輸，每個環節都控制得好嚴格，確保肉製品嘅安全。
- 重金屬污染都係嚴格管控嘅重點，Macka's 會根據澳洲法規嚴密監控肉製品入面嘅重金屬污染元素（例如鉛、鉻、鎳同汞），確保呢啲物質嘅含量喺安全範圍內。
- Macka's 仲用咗 Cares Tag 嘅創新技術，監測生物安全同健康，詳細記錄食品生產、加工同銷售嘅每一個環節，確保食品安全問題可以被有效追蹤同控制。
Macka's 環唔環保？駛乜講！
- Macka’s 非常重視可持續農業實踐，投入大量時間同資源以確保業務每個方面都係可持續嘅，包括了解土壤健康、精心選擇植物同管理放牧、實施動物健康規劃等等，確保整個牛肉生產過程中保持強大嘅安格斯牛遺傳性。
- Macka’s 致力於實現從農場到包裝嘅碳中和，喺能源使用上進行咗調整，減少對化石燃料嘅依賴，增加清潔能源嘅使用。Macka’s 同時遵循 ESG 核心原則，致力於推動可持續增長，確保在所有業務活動中實施透明化嘅治理實踐。
Macka's 非常注重動物福利
- Macka's 遵循國際認可嘅動物福利「五大自由」，包括免受飢渴嘅自由、生活舒適嘅自由、免受痛苦，傷害同疾病嘅自由、表達天性同生活無恐懼感同悲傷感嘅自由。
- Macka's 採用咗一系列農業科技創新，包括 Optiweigh（一種無需將牛趕入稱重場嘅實時稱重方案）同 Cares Tag（一種監測生物安全、健康、福利性能同供應鏈網絡嘅可追溯性技術）。