【多買多優惠】急凍冰島鱈魚尾/塊1公斤

描述

描述

包裝：1 公斤裝/件

• 買 2 公斤裝 = $176

• 買 4 公斤裝 = $320

營養

營養價值

鱈魚嘅營養價值

• 蛋白質：強壯你嘅肌肉，唔怕無力氣。
• 維他命 A、D 同 B12：維他命 A 可以雪亮你嘅眼睛，維他命 D 令你骨骼硬淨，維他命 B12 幫你精神爽利。
• 硒：有抗氧化作用，幫你對抗自由基。
• 抗氧化劑：保持你青春常駐，皮膚靚靚。
• Omega-3：對心臟好，仲幫你腦袋靈活。

解凍貼士

解凍小貼士

急凍鱈魚塊應該點解凍？

收工返到屋企發現唔記得解凍晚餐，諗住用熱水或者擺喺枱面解凍？千祈唔好呀，呢啲方法唔安全，會增加食物中毒嘅風險！記住，肉類、家禽或者蛋類要保持喺安全溫度解凍。凍住嘅時候冇問題，但溫度一旦超過 4.4°C，細菌就會開始滋生。

千祈唔好就咁放喺枱面或者用熱水解凍，亦唔好擺喺室溫超過兩個鐘。即使中間仲係凍嘅，外層可能已經去到「危險區」（4.4 ~ 60°C），細菌會瘋狂繁殖。

最安全嘅解凍方法係提前計劃，用雪櫃保持喺 4.4°C 以下。你仲可以用凍水或者微波爐解凍。如果趕時間，直接煮凍嘅食物都冇問題，只係時間會長啲。

• 雪櫃解凍：前計劃，因為需要時間。例如火雞咁大隻每 5 磅需要 1 日時間。細件嘅，例如免治肉或者雞胸肉，需要 1 日時間。解凍後，大部分食物可以保存 1 ~ 2 日，紅肉可以保存 3 ~ 5 日。可以唔煮直接再放返入急凍，但質量可能會下降。
• 冷水解凍：會快脆啲但要留意，食物要放喺防水袋入面，每 30 分鐘換一次水。細件嘅大約要 1 個鐘時間解凍，大件嘅要 2 ~ 3 個鐘。解凍後要即刻煮。
• 微波爐解凍：最快但要即刻煮。解凍過程中有啲部分可能開始熟，去到「危險區」，所以解凍後一定要即刻煮。

煮乜好

煮乜好？

鱈魚尾/鱈魚塊可以用嚟煮啲乜？

鱈魚塊已切開成一件件，解凍容易，方便煮食，呢度有幾個簡單又美味嘅煮法：

西式：鱈魚手指

1. 將冰島鱈魚尾切成啱你嘴型嘅條狀
2. 浸一浸蛋漿，用加入香料嘅麵包糠包住
3. 噴些少油再用氣炸鍋 200 度炸 8 分鐘，翻一面再炸多佢 5 分鐘就食得！

日式：天婦羅鱈魚塊

1. 用現成嘅天婦羅粉漿包住嚟油炸
2. 外脆內嫩，真係好難抗拒

中式：薑蔥炒鱈魚塊

1. 將冰島鱈魚塊包一包木薯粉然後每面煎香
2. 再落薑蔥 + 調味料兜一兜就搞掂！

煮食貼士

教你煮鱈魚尾/塊唔乾柴貼士

鱈魚味道溫和、肉質呈片狀，能夠揀啱烹飪方法先係關鍵：

• 煎：用橄欖油 + 牛油。每面煎大約 2 ~ 3 分鐘，直到用支叉一吉就輕易咁斷開
• 焗：將焗爐預熱至 200°C (400°F)。喺鱈魚柳上淋上橄欖油，用鹽 + 胡椒調味，然後焗 10 ~ 12 分鐘
• 蒸 / 水煮：呢兩種溫和嘅方法可以保持鱈魚嘅肉質細膩、完好無損，而且濕潤嫩滑
  

Happy cooking! 🐟🍴

請注意

請注意

• 本產品的實際重量或許與上述重量略有差異。你的訂單重量應在上述重量的 +/- 10% 範圍內，若差異超過範圍，請電郵 info@blackmarkethk.com 與我們聯繫。
• 圖片只供參考，一切以實物為準。
• 訂單一經確認（即成功下單），恕不能更改或取消，所有商品恕不接受退貨或退款服務。
• 選購前請參閱本網店之送貨服務 / 退換政策。
• 如中、英文兩個版本有任何抵觸或不相符之處，應以英文版本為準。

自取/送貨

自取/送貨

• 自取服務：最低消費 $500
• 自取地點：黃竹坑 / 中環
• 送貨服務：最低消費 $800
• 免費送貨：消費滿 $1,500 或以上