【買多啲慳多啲】急凍USDA豬柳漢堡扒 (熟)

描述

包裝/規格：每塊約 42 克

• 1 公斤裝 = $138
• 2 公斤裝 = $130

介紹返

• 脂肪低、味道濃
• 完全天然，無防腐劑、無 MSG、無人工成份！
• 用微波爐叮又得，氣炸鍋炸亦得，快靚正小食之選！

解凍貼士

安全簡單嘅解凍貼士

收工返到屋企發現唔記得解凍晚餐，諗住用熱水或者擺喺枱面解凍？唔得呀，唔安全！呢啲方法會令食物中毒。記住，肉類、家禽或者蛋類要保持喺安全溫度解凍。凍住嘅時候冇問題，但溫度一旦超過 4.4°C，細菌就會開始滋生。

千祈唔好就咁放喺枱面或者用熱水解凍，亦唔好擺喺室溫超過兩個鐘。即使中間仲係凍嘅，外層可能已經去到「危險區」（4.4 ~ 60°C），細菌會瘋狂繁殖。

最安全嘅解凍方法係提前計劃，用雪櫃保持喺 4.4°C 以下。你仲可以用凍水或者微波爐解凍。如果趕時間，直接煮凍嘅食物都冇問題，只係時間會長啲。

• 雪櫃解凍：前計劃，因為需要時間。例如火雞咁大隻每 5 磅需要 1 日時間。細件嘅，例如免治肉或者雞胸肉，需要 1 日時間。解凍後，大部分食物可以保存 1 ~ 2 日，紅肉可以保存 3 ~ 5 日。可以唔煮直接再放返入急凍，但質量可能會下降。
• 冷水解凍：會快脆啲但要留意，食物要放喺防水袋入面，每 30 分鐘換一次水。細件嘅大約要 1 個鐘時間解凍，大件嘅要 2 ~ 3 個鐘。解凍後要即刻煮。
• 微波爐解凍：最快但要即刻煮。解凍過程中有啲部分可能開始熟，去到「危險區」，所以解凍後一定要即刻煮。

煮乜好

泰式金不換炒飯

食材：

• 4 塊豬柳漢堡扒
• 1 束金不換
• 2 碗白飯
• 1 粒乾蔥頭
• 3 粒蒜蓉
• 2 隻雞蛋
• 1 隻辣椒

調味料：

• 少許炸油蔥
• 1 茶匙魚露
• 1 茶匙甜豉油

步驟：

1. 將漢堡扒煎香然後切粒備用
2. 炒香蒜蓉，乾蔥粒，加入漢堡扒粒同金不換用大火兜勻
3. 將雞蛋打入白飯（最好係隔夜飯）攪勻，再落鑊炒飯，將飯炒到金黃色就OK
4. 將已炒好嘅漢堡扒粒加入，同啲飯兜勻炒香
5. 倒入魚露同甜豉油調味，隨個人喜好加入辣椒粒同炸油蔥大火炒香
6. 上碟！再煎多隻太陽蛋放上面就掂曬！

請注意

• 本產品的實際重量或許與上述重量略有差異。你的訂單重量應在上述重量的 +/- 10% 範圍內，若差異超過範圍，請電郵 info@blackmarkethk.com 與我們聯繫。
• 圖片只供參考，一切以實物為準。
• 訂單一經確認（即成功下單），恕不能更改或取消，所有商品恕不接受退貨或退款服務。
• 選購前請參閱本網店之送貨服務 / 退換政策。
• 如中、英文兩個版本有任何抵觸或不相符之處，應以英文版本為準。

自取/送貨

• 自取服務：最低消費 $500
• 自取地點：黃竹坑 / 中環
• 送貨服務：最低消費 $800
• 免費送貨：消費滿 $1,500 或以上