【多買多優惠】急凍格陵蘭比目魚柳 (去皮)

描述

包裝/規格：每塊魚柳大小/重量不同，每塊約 180~200 克

• 買 4 件零售裝 = 8 塊魚柳 = 約 1.5 公斤 = $265
• 買 8 件零售裝 = 16 塊魚柳 = 約 3 公斤 = $510
• 買 2 件 x 1 公斤裝 = 2 公斤 = $348
• 買 5 件 x 1 公斤裝 = 5 公斤 = $838

介紹返

格陵蘭比目魚：點煮都得！

格陵蘭比目魚係一種大型、扁平嘅魚，鐘意生活喺冰凍、清澈嘅峽灣同公海。由於生活嘅環境寒冷，生長得緩慢，所以肉質味道更加豐富。

• 味道：白雪雪、濕潤、肉質細嫩，帶有溫和、creamy 嘅味道，略帶甜味&鮮味
• 脂肪含量：約 15%，同三文魚相約，富含Omega-3
• 烹飪貼士：煮比目魚嘅特別之處就係永遠唔會乾柴！無論係焗、蒸煮、煎、燒烤或煙燻都非常適合

想點食就點煮！隨心所欲咁享受啦！

營養價值

比目魚嘅營養價值

• 蛋白質：幫你肌肉強壯，唔怕冇力氣。
• 硫胺素（維他命 B1）：幫助身體將食物轉化為能量。
• 菸鹼酸（維他命 B3）：保持皮膚同神經系統健康。
• 核黃素（維他命 B2）：幫助身體吸收其他營養素。
• 維他命 B6、B12：增強免疫力同保持神經系統健康。
• 鐵：防止貧血，保持你精神爽利。
• 鈣：強化骨骼同牙齒。
• 鎂：幫助肌肉同神經功能正常。
• 鉀：調節體液平衡，保持心臟健康。
• 磷：幫助骨骼同牙齒健康。
• 硒：有抗氧化作用，幫你對抗自由基。
• Omega-3：對心臟好，仲幫你腦袋靈活。

解凍貼士

安全簡單嘅解凍貼士

收工返到屋企發現唔記得解凍晚餐，諗住用熱水或者擺喺枱面解凍？唔得呀，唔安全！呢啲方法會令食物中毒。記住，肉類、家禽或者蛋類要保持喺安全溫度解凍。凍住嘅時候冇問題，但溫度一旦超過 4.4°C，細菌就會開始滋生。

千祈唔好就咁放喺枱面或者用熱水解凍，亦唔好擺喺室溫超過兩個鐘。即使中間仲係凍嘅，外層可能已經去到「危險區」（4.4 ~ 60°C），細菌會瘋狂繁殖。

最安全嘅解凍方法係提前計劃，用雪櫃保持喺 4.4°C 以下。你仲可以用凍水或者微波爐解凍。如果趕時間，直接煮凍嘅食物都冇問題，只係時間會長啲。

• 雪櫃解凍：前計劃，因為需要時間。例如火雞咁大隻每 5 磅需要 1 日時間。細件嘅，例如免治肉或者雞胸肉，需要 1 日時間。解凍後，大部分食物可以保存 1 ~ 2 日，紅肉可以保存 3 ~ 5 日。可以唔煮直接再放返入急凍，但質量可能會下降。
• 冷水解凍：會快脆啲但要留意，食物要放喺防水袋入面，每 30 分鐘換一次水。細件嘅大約要 1 個鐘時間解凍，大件嘅要 2 ~ 3 個鐘。解凍後要即刻煮。
• 微波爐解凍：最快但要即刻煮。解凍過程中有啲部分可能開始熟，去到「危險區」，所以解凍後一定要即刻煮。

教你煮

簡易西京燒比目魚

食材：

• 比目魚 --- 300g

醃料：

• 白味噌 --- 70g
• 糖 --------- 35g
• 清酒 ------ 20g
• 味醂 ------ 40g

步驟：

1. 將比目魚柳洗乾淨、印乾水備用。
2. 將所有醃料放入鍋中開細火加熱，直至糖融化攪拌均勻就可以。
3. 喺保鮮盒倒入一半醃料，鋪上魚柳，倒入剩餘嘅醃料，確認每一面嘅魚柳都沾到醃料，蓋上保鮮盒蓋放入雪櫃醃至少 1 個鐘（甚至隔夜）。
4. 預熱焗爐至 250°C，刮走魚柳上多餘嘅醃料，放上鋪好牛油紙嘅烤盤，用 Broil 模式用上火焗 10 - 13 分鐘，直至魚柳呈金黃色就可以上碟喇！

請注意

• 本產品的實際重量或許與上述重量略有差異。你的訂單重量應在上述重量的 +/- 10% 範圍內，若差異超過範圍，請電郵 info@blackmarkethk.com 與我們聯繫。
• 圖片只供參考，一切以實物為準。
• 訂單一經確認（即成功下單），恕不能更改或取消，所有商品恕不接受退貨或退款服務。
• 選購前請參閱本網店之送貨服務 / 退換政策。
• 如中、英文兩個版本有任何抵觸或不相符之處，應以英文版本為準。

自取/送貨

• 自取服務：最低消費 $500
• 自取地點：黃竹坑 / 中環
• 送貨服務：最低消費 $800
• 免費送貨：消費滿 $1,500 或以上